NimantranKaro
Nyota, jo dil se bheja jaaye
NimantranKaro Indian shaadiyon ke liye digital invitation banata hai — Hindi, English ya Hinglish mein, mobile se, kuch hi minute mein.
Humne yeh kyun banaya
Shaadi mein paanch-chhe functions hote hain — haldi, mehndi, sangeet, vivaah, reception. WhatsApp par bheji gayi ek bhaari PDF ya video mein mehmaan baar-baar date, time aur address dhoondhte rehte hain. Badlaav ho jaaye toh sabko dobara bhejna padta hai.
Bade-buzurg Hindi mein padhna pasand karte hain, youngsters English ya Hinglish mein. Humein laga ki nyota aisa ho jo sabki bhasha bole, ek link mein saari jaankari rakhe, aur phir bhi utna hi sundar lage jitna chhapa hua card.
Isliye humne NimantranKaro banaya: ek link, jismein har function, Google Map, RSVP, countdown, photos aur music — aur mehmaan ek tap mein apni bhasha chun lein.
Hamare vaade
- Hindi pehle
Hindi, Hinglish aur English — teeno mein card, bina alag se translate kiye.
- Privacy
Aapka card Google par nahi dikhta. Sirf wahi dekh sakte hain jinhe aap link bhejein.
- Surakshit payment
Payment Cashfree ke secure page par. Hum aapke card ya bank ki jaankari nahi dekhte.
- Insaan se baat
Form nahi bharna? WhatsApp ya call kariye — hum aapka card bana kar denge.
Kaun banata hai
NimantranKaro, Software Crafting Technologies ka product hai — ek Indian software company. Address: Block CB 33B, Naraina Vihar, New Delhi, Delhi 110028, India.
Form nahi bharna chahte?
Seedha call ya WhatsApp kariye — hum madad karenge.
4 sundar designs — khulte darwaze, mahal ka dwaar, lifafa aur gende ka toran.
Designs dekhiye